أهلا بكم في مدونة الأفكار

Saturday, May 28, 2005

اعرف مقياس حرارة قهوتك

السلام عليكم


اكيد طولت الغيبة ==>اصلا منو سأل عنك

الحمدلله انتهت الاختبارات اخيرا
واخيرا تمكنت من رؤية الاهل بعد حوالي اكثر من شهر بس صراحة روحتي للاهل ما راحت ببلاش يعني جبت منها شيء لكم
وانا ازور احد من الاهل لفت نظري وجود شيء اعلى دلة قهوته انا قلت هذي يا ساعة او بوصلة بس مو عملية يخلوها فوق دلة؟؟؟!!!!
اقتربت منها اكثر اشوفها وتدرون شو حصلتها؟مقياس حرارة !!!


فكرة حلوة لا اعتقد تكلف الكثير من الشركة المصنعة ومفيدة للمستهلك يعني الحين مو ضروري تزعج اهلك بسؤالك الدائم .. من متى مسوين هالقهوة شوف المقياس وبتشوف حرارة السائل اللي داخل الفكرة على اعتقادي مجرد مستشعر حراري داخل الغطاء لاني فتحت الدلة وما حصلت شي متوصل بالسائل يعني اطمئن
انا صورت الدلة والمقياس بس بتلفون يعني الصور مو لذيك الدرجة واضحة بس منكم السموحة


الدلة من فوق والمقياس


نظرة جانبية :)

المقياس الحراري

اسف الصور ما واضحة
بس اهم بساطة ومدى نفع الفكرة
وحياكم

14 Comments:

At 12:51 AM, Blogger otuydbvckblkh said...

متى طلع هالإختراع ؟؟ اول مره اشوفه
بس خوش فكرة عشان ما نترس الكوب و ننصدم ان الجاي ولا القهوة مثلجين
:)

 
At 5:33 AM, Blogger EsTeKaNa said...

مطول الغيبات..جلاب الغنايم:)

الف مبروك نهاية الامتحانات وعقبال النتايج الحلوة يا ربي وتبشرنا فيها:)

!!مقياس فوق الدلة
والله ماخلو شي مشالله
احتاج هالبوصلة حق بلوقي والاستكانة:))

 
At 8:19 AM, Blogger فيلجا said...

ههههههههه
والله خووش شي

عملي وايد

على الاقل احسن من طريقتي *^_^*

صبيت بالأستكانة ولا الفنيال

وتالي حطيت صبعي اذا احترق معناته حار واذا لااااء يعني بارد

هههههههههههههههههههه

مشكووور عااادل

 
At 10:03 AM, Blogger adil said...

مشكورين على المرور

q8-leo
حتى انا اول مرة اشوفه...يعني احنا سبقناكم بالتطور
:)

mnooora
خليني ناسي النتائج اكره شي عندي انتظارها
وهذا مقياس حرارة مو بوصلة

فيلجا
طبعا الفكرة عملية
طريقة اصبعك ما اعتقد تسويها اذا عرفتي اني شفت درجة حرارة القهوة اول ما جابوا الدلة 80
يعني سااااااااااخنة
........................

صراحة تعجبني الافكار اللي تكون عملية ... فيه ناس تجيبلك الف فكرة ومعظمها مو منه فايدة ولا عملي


ممكن تشرحوا لي ويش معنى الاستكانة؟؟
مو عندنا في قاموسنا هذي

 
At 12:19 PM, Blogger Najah said...

ما شااا الله, والله إختراع ممتاز لمدمنين القهوة

 
At 5:54 PM, Blogger haneen said...

هي من ناحيه فكره فكره
فيه عالم ماترتاح الا اذا تاكدت ان القهوه طالعه من النار مالها دقايق
منهم >>>
سلمت عادل على هالأفكار اللي تفاجئنا فيها
تحيتي

 
At 2:29 AM, Blogger adil said...

najah

مو لازم للمدمنين كلهم ينفعهم ..كلهم يبوها يعرفوا اذا ساخنة او لا

واهلا بك في المدونة

حنين المساء
لا تكثري من القهوة تراها مضرة كثرتها
==> :) مدمن شاي

 
At 2:51 AM, Blogger يعقووبوو said...

خوش شغله ينفع لي

بو مريوم وينك عن هالإختراع الحيوي (:

وشكراً للمساحه
ودمتم سالمين ... (:

 
At 7:04 AM, Blogger EsTeKaNa said...

الاستكانة
ما تشرب فيه الشاي
ذاك الكاس الصغير
المخصر
:)))))))

 
At 9:50 AM, Blogger adil said...

يعقوبووو

شكرا على زيارتك

منوورة

شكرا على التوضيح بس مو هو الفنجان؟؟

 
At 3:03 AM, Blogger Bu3askoor said...

This is the very first time i see such a thing! cool idea :)

(now let me call my chinese friend and flood the market) lol

 
At 3:17 AM, Blogger adil said...

Bu3askoor

خلاص هي موجودة بالسوق

لازم تجيب افكار جديدة

سوي دلة لما تصب منها يطلع اللي تبيه شاي ولا قهوة

:)

 
At 7:25 AM, Blogger Rain Drop said...

حلو..

اول مرة اشوفه دلة جذيه

وناسة

 
At 11:05 AM, Blogger Petite For Life said...

Where it is sold and how much it costed?

 

Post a Comment

<< Home