أهلا بكم في مدونة الأفكار

Thursday, July 07, 2005

subtitles


السلام عليكم




شوفوا الافلام الحلوة على هذا الرابط
http://www.alamuae.com/vb/showthread.php?t=112124


هذا الرابط كان عندي من فترة وكان نفسي اشوف هذي الافلام الرهيبة

قبل حوالي شهرين قمت بتنزيل بعض هذه الافلام من خلال برامج تبادل الملفات والمصيبة طلعت هذي الافلام بعضها مو مترجم انجليزي وباقي على نسخته الاصلية الياباني

الحين ويش اسوي في هالمصيبة ؟؟
جالس انزل كل ذاك الوقت ويروح تعبي بلاش؟؟

ويش رايكم اني شفت هذي الافلام مترجمة عربي بعد تنزيل ملفات ما يتعدى حجمها كيلوبايتات بسيطة


السر هو في subtitles؟؟

هذا عبارة عن ملفات ترجمة خفيفة موجودة في بعض المواقع ... وتقوم بعض البرامج بعرضها مع الفلم ... يعني مو عليك غير تنزيل أي من برامج الفيديو اللي تدعم هذه الخاصية ... وبعدين نزل أي فيلم تبيه انجليزي ياباني هندي اسباني ... وابحث عن الترجمة ماله وطبعا الترجمات المكتوبة بالانجليزية كثيرة جدا بينما العربية قليلة ولكن ظهرت منتديات فيها اقسام تهتم بالترجمة العربية

بساطة الفكرة

ملف الترجمة عبارة عن ملف نوت باد فيه الجمل ووقت ظهور الجملة على الشاشة وما على البرنامج غير اظهار النص في الوقت المحدد على شاشة الفلم

اذا تبوا تبحثوا عن ترجمات لافلام فما عليكم سوى البحث عن subtitles
واسم الفلم ويمكنكم صنع الترجمة عن طريق برامج خاصة او اخذ ترجمة انجليزية وترجمتها الى العربية

الفكرة بسيطة جدا بس نفعت الكثيرين

وحياكم

13 Comments:

At 1:07 AM, Blogger otuydbvckblkh said...

كان ودي أجرب بس للأسف جهازي في أيامه الأخيره
يحتضر و بيعطيك عمره

 
At 4:19 AM, Blogger adil said...

سوي حملة تبرعات في البلوج مالك

يمكن يمديك تشتري لاب توب جديد

:)

 
At 1:35 PM, Blogger otuydbvckblkh said...

مو لاب توب

جهازي عادي
PC

مافي الا انفذ فكرتك و اكتب رقم حسابي و اقولهم اني محتاجه بيزتين للكمبيوتر اليديد
مثل البوست اللي نزلته مره في بلوقك
;)

 
At 4:54 AM, Blogger adil said...

www.saveq8-leo.com

:)

 
At 2:42 PM, Blogger Mona said...

nice post

Ilike movies alot

 
At 9:38 AM, Blogger adil said...

Mona شكرا على الزيارة

 
At 3:02 PM, Blogger EsTeKaNa said...

يعطيك العافية
:)
نبدي نجمع تبرعات حق ليو ونتقاسمها عادل؟
ترا عشاق ليو كثار راح نجمع ثروة
:)

 
At 5:23 AM, Blogger adil said...

نمر على البوستات حق البلوجرز

لله يا محسنين

بس ما اعتقد نحصل من البلوجرز غير سطول وجواني كلام

:)

 
At 12:02 PM, Blogger otuydbvckblkh said...

افااااا من اولها بتبوقوني
عيل بعتمد على نفسي و ايمع التبرعات بمعرفتي

اكسر الخاطر اذا تمسكنت
:P

 
At 9:10 PM, Blogger haneen said...

عادل

الفكره حلوه
بس المشكله اني ما احب الأفلام ابد

اما اللي معروضه في الرابط
حمدت ربي اني اتصفح بروحي ولاشافوها اخواني كان تركوا سبيس تون وجلسوا على جهازي

يعطيك العافيه

 
At 1:28 PM, Blogger ~ se3loah ~ said...

بوست حلو!!

من جد اول مره ادري انه فيه هالخدمه
يعني دايما كنت افكر ليه مافيه ترجمه لاي فلم لاي لغه والظاهر انها موجوده بس انا نايمه بالعسل
لو انكم تاركيني اخترعها بس

 
At 12:06 PM, Blogger Ba7raNiah said...

فكرة حلوه وانا احب الافلام
بس اعتقد الترجمة مابتكون كالة حسب فهمي لشرحك

مشكور خيو

 
At 2:44 PM, Blogger adil said...

Haneen

هذي افلام رسوم يابانية تهبل

Norah

ورينا شطارتك واخترعي لنا شي جديد بالفيجوال

شو رايك تسوين افلام تطلع برا الشاشة
:)

Ba7raNiah

الترجمة كاملة مدري اشلون افهمتي انها مو كاملة

 

Post a Comment

<< Home