أهلا بكم في مدونة الأفكار

Monday, August 08, 2005

شلينا عفشنا وطلعنا

خلاص ما صار لنا عذر

يعني العرب ويش فيهم ما يبدعوا مثل الانجليز

وجدت هذا الموقع المتميز
http://www.enashir.com/

وهو موقع عربي لانشاء المدونات واعجبني نظامه

قلت ليش ما انقل العفش هناك؟؟

وهذا عنواني الجديد

http://www.enashir.com/blogs/adil/

وخلاص كل المواضيع الجديدة بتحصلوها هناك
بس ان شاء الله بغير نظام المواضيع بحيث تصبح عامة افكار وذكريات وخواطر وغيرها

يالله أجروا تاكسي وتعالوا الشقة الجديدة

انتظركم ولا تنسوا تركبوا كويت ليو قدام(علشان اذا دعمتوا نتخلص منها (: ) وخلوها تربط حزام الامان

مع السلامة يا بلوجر دوت كوم

6 Comments:

At 3:06 PM, Blogger otuydbvckblkh said...

تبون تفتكون مني ها
انزين انا اوريكم

خلوني انا اللي اسوق عشان اتصير علي و على أعدائي
لووووووول

مبروك الشقه اليديده يا بشمنهدس
و الفال للعروسه
:P

 
At 3:21 PM, Blogger adil said...

خلاص خذي باص ومري على البلوجرز وتعالوا


اهم شيء لا تجوا ويدينكم فاضية

:)

 
At 1:10 PM, Blogger otuydbvckblkh said...

عادل كتبت تعليق طويل عريض في بلوقك اليديد و لما ارسلته علقت الصفحه و انمسح و بعدين اطلبوا مني كلمة الدخول و كلمة السر !! ما سويت شي يعني

ليش ما تظل اهني أحسن
احتمال باجي البلوقرز صادفتهم نفس المشكله

 
At 2:10 PM, Blogger adil said...

افا يا ليو
هذي المشكلة ما نحب التغيير حتى للاحسن

الخطأ يحصل ووارد

في المدونة الجديدة انا حاط التعليقات مفتوحة للجميع علشانكم

وسالفة مسح المواضيع كثير تستوي لي حتى في البريد لذلك تعلمت قبل ما اضغط زر ارسال او قبول شيء لازم انسخ المكتوب اخاف يطلع شيء خطأ واضطر اعيده

بالنسبة للبقاء هنا فما مشكلة عندي بس احنا اذا ما دعمنا اخوانا العرب منو يدعم افكارهم وتعبهم ؟؟

وهم فاتحين الخدمة مجانا وربحهم يمكن من الاعلانات بس وهذا مقبول في معظم المواقع المجانية

حقك علي يا ليو بس استحملوا شوي اخطاؤهم لانهم باين عليهم هم عملوا الموقع ببرمجتهم الخاصة وهذا شي ممتاز جدا
وانا راضي عنهم ما داموا يحاولوا اصلاحها دائما

:)

 
At 1:13 AM, Blogger otuydbvckblkh said...

اممممم اوكي
المره اليايه انسخ التعليق

انزين ما يصير اقرا البوست اهناك و اعلق اهني
:P

لالا خلاص اتغشمر
:D

 
At 2:29 AM, Blogger lucysmith47262605 said...

This comment has been removed by a blog administrator.

 

Post a Comment

<< Home